Mama Gabriela Rivadeneira, Mamallakta Tantanakuyta pushak. ashalla watakunapi Ecuador llakta llankaykunapi mushukyashka, shinami “El Trabajo Decente en el Ecuador – Informe 2014” rimanakuyta rurashpa nirka.

Mamallakta Tantanakuyta pushak José Mejía Lequerica ukupi kak llankak runakunata Escuela Nacional Sindical naparka, kay yachay tantarika mushuk pushakkuna wiñarichunmi yachachin, paykuna llankakkunapak hayñikuna ñawpachun mañankuna, kamachiykunata, Mamakamachiytami paktachin, .

Mama Gabriela Rivadeneira, Ecuador llaktapika, llankakkuna llankashkamanta kullkita charinkapa, kawsaykamayta ashka mishaykunatami tankamushka, XIX wata tukurimanta llankay wiñaykawsay mushukyamushka nirka, llankak tantarikuna mirarishka, Sociedad Artística e Industrial de Pichincha (1892) watapi wiñarishka nirka.

Kay 1922 watapi, Guayaquil llaktapi manchanayay llankakkunata wañuchi tiyarka, shinallatak Aztra llankaywasipi, 1977 watapi achka llankakkunata yakuman shitashpa wañuchirka, kay llakikunatami Mamallakta Pushak rikuchirka.

Kay ashalla watakunapi Ecuador llakta llankaykunapi hatun tatkikunata charimushka, shinami Gabriela Rivadeneira, Mamallakta Tantanakuyta pushak rimarka, runakunatami kullki yallita rikushka kashka, mushuk kullkiyukkuna kawsashpa, llankakkunata paya hillaykunawan llankachirka.

Kay hatiun tantaripika Escuela Nacional Sindical (ENSEC) tantari, Enrique Vacas pushak karka; Marcelo Solórzano kamachik, llankak tantarikunapak shutipi shamurka; Carlos Julio Díaz kamachik, Escuela Nacional Sindical de Colombia kachashka karka, Ministro de Relaciones Laborales kamaywasimanta, Carlos Marx Carrasco hatun kamachik kaypi karka.

JS/jc-kichwa

Mama Gabriela Rivadeneira, Mamallakta Tantanakuyta pushak, Estela de Carlotto kamachikta paypak llankana ukupi chaskirka, payka Asociación Abuelas de Plaza de Mayo, Pablo Vilas tantarita pushakmi kan, shinallatak Casa Patria Grande Néstor Kirchner pushaktapash chaskirka.

Mamallakta Tantanakuyta pushak pay ñukanchik llaktaman shamushkamanta, kuskakunata paskashkamanta Apya-yala llaktapi Runapak Hayñikunata ukllashkamanta achkata yupaycharka. .

Paymanta, Estela Carlotto hatun kamachik, Ecuador llaktawan, Argentina llaktawan alli apanakuymanta rimarka. Kunanpi tantarishpa llankana, suyukunapi yachaykunata riksichina allimi kan nirka. Carlotto kamachik, Mamallaktakuna pakta runakunata mushuk yuyaykunata yachachin nirka, ama sapalla llankachun yuyayta kuna nirka, paykuna shuktak mashipi yuyachun yachachina“shuktak mashpi yuyarichun”.

Kay ashalla rimankuyta charishka kipa, Gabriela Rivadeneira, Pushak Pablo Vilas Mamallatapak yuyarita charichirka, shinallatak kay Casa Patria Grande Presidente Néstor Carlos Kirchner llankashkata kushikuyta kurka, payka Derechos Humanos kamachiyta ukllarka.

Pay Vilas kamachik, Argentina Mamallaktata pushakpak shutipi shuk napayta chayachirka, Cristina Fernández kamachik, riksishkata chaskishka “paktashkata charirayankapa, ñawpakman katinkapami kan”.

Kay rikunakuyta charishka kipa, Mamallakta Tantanakuyta pushak, chawpipuncha mikuyta charishka kipa, tawka mushukyayta mashkak llaktay tanarikunapak pushakkunawan, kayashkakunawan shuk tantarita charirka, paykunaka Encuentro Latinoamericano Progresista (ELAP 2015) tantarimantami karka, Quito llaktapimi tantarirka.

Shinami Enriqueta Estela Barnes de Carlotto (Buenos Aires llakyamanta – 1930 watapi), runakunapak hayñita ukllarka, Abuelas de Plaza de Mayo tantarita pushak, wañuchik kamachikkuna tiyakpi, yayamama illak wawakuna sakirikpi paykunata tantachirka.

JS/jc-kichwa

Kay II Encuentro Latinoamericano Progresista tantari ukupi, Quito llaktapi, 28 punchamanta, 30 punchakama, Gabriela Rivadeneira, Mamallakta Pushak, Cuba llaktamanta pichka llakta kuyakta riksinka, paykunaka wañunkakama wanayta charishkamanta kishpiychishka kashka, kunanka Apya-yalapi, Europa, Asia llaktakunata wakchakunamanta llankak tantarikunapi llaktaykunata yallachishpa llankanka.

Kay aknayka 15:00 sayllapi kallarink, Mamallakta Tantanakuypak Pushakkuna ukupimi kanka, ishkay patapimi sakirin.

Yuyarinami kanchik, Mamallakta Tantanakuy, chay Cuba llaktamanta pichka llakta kuyakkuna kishpiyrichun tukuy allpapachapi yanapachun mashkashpa llankarka, paykunaka: Gerardo Hernández Nordelo, Ramón Labañino Salazar, Fernando González Llort, Antonio Guerrero Rodríguez, René González Sehwerert ñakarikkunami kan, kay yanapayta kunkapa Mamallakta Tantanakuy 29 puncha, kuski killa, 2011 watapi, shinallatak 7 puncha, wayru killa 2014 watapi llukshirka, shinallatak 26 puncha, ayriwa killa, 2013 watapi ayllukunaman kamarita, yuyarita kushkapash yanapashpa karka, chayka Cuba llaktawan, runakunawan nanarishpami shinarka.

Kipaman Gabriela Rivadeneira Mamallakta Tantanakuyta pushak 16 sayllapi “Democracia en América Latina” kay Mamallaktapi alli llankaykunata riksichinka, kaytaka José Mejía Lequerica yukupimi kanka.

Kay hatun yachaypi Gabriela Montaño, chay Bolivia llaktamanta Kamachiy Killkak rimanka, shina llaktakuna ashtawan tantarishpa katinka.

Kay llankayka Mallakta Tantanakuypak Ankiwan, Karurikuchikwan willanka.

JLVN/pv/jc-kichwa

Mamallakta Tantanakuyta pushak, Gabriela Rivadeneira apukka, progresistas Sergio Tejada Galindo (Perú), Alessandro Di Battista (Italia) shinallatak Marco Enríquez Ominami, Fundación Progresa tantarita pushak, Chile llaktamanta ñawpa apuk, kunanpi llakta pushay akllarinapak shutirikuk runakunatapashmi chaskirka.

Shamuk ayllukunata napashka kipa, Mamallakta Tantankuyta pushakka, suyu llaktakunapi Kamachiy Awlli llankaypi yachashkawan makipuranami mutsurin, shinallatak llaktayuk tantarikunapak llankaypash riksirinami kan, kayshinami llaktakuna kikinmanta wiñarishpa katinshun, nirkami.

Perú llaktamanta apuk, Sergio Tejada, kunanpi Bloque Nacional Popular tantanakuypi llankakuk runaka, suyu llaktakunapi ayllukuna yanapana yuyaywan llankakuk pushakkunapura makipuranami mutusurin, kayshinallami ñukanchik llaktapika 2016 wata llakta pushak akllarinaman chayashun, nirkami.

Italia llaktamanta Alessandro Di Battista apuk, Movimiento 5 Estrellas tantaripi llankak runaka, kay Ecuador llaktapi tawka mushukyaykuna, Latinoamérica suyu llaktakuna makipuranapak llaktay tiyashkata rikushpa kushiyanimi nirka, ashtawankarin Banco Mundial shinallatak Fondo Monetario Internacional (FMI) tantanakuykunata chimpapuranapi llankaymi ashtawan riksinalla rikurin, nirkami.

Chile llaktapi ñawka watakunapi apuk, kunanpi Fundación Progresa tantanakuyta pushak, Marco Enríquez Ominami runaka, ELAP 2015 shina rimanakuykuna katinami kan, kayshinallami suyu llaktakunapi llakta mushukyayta mashkakkuna, allpa pachapi llakikunamanta rimanakushun, nirkami.

Kay Encuentro Latinoamericano Progresista ELAP 2015 rimanakuyka Casa de la Cultura de Quito kuspapimi 28 punchamanta 29 punchakama kay kuski killapi paktarikuk, kaymanmi kimsa riksishka runakunapashmi chayamurka, shinallatak yachachikkuna, Latinoamérica suyu llaktamanta, allpa pacha llaktakunamantapash minkarishka ayllukunapashmi chayamurka.

Mamakllakta Tantanakuyta pushak, Gabriela Rivadeneira, Pedro Moncayo 104 watata paktachishpa raymiman kayashka karka, chay kitimi 104 wata wiñarishka kan, Pichincha markapimi sakirin.

Mamallkat Pushak kitipak ñankunata purirka, purinaka chay kitipak wasimantami kallarirka, Tabacundo llaktapak hatun ñankunata purirka. Tayta Frank Gualsaquí kitipushakwan ishkantin purirka, hatun kamachikkunapash chaypimi karka.

Awkakunapak katina hillaykunawan, Pedro Moncayo llaktapak llaktayukkunawan purirka, awkakunapak purikkunata rikurka, chayka, Marina, Fuerza Aérea shutikunata charirka, chayka chincha markapak kitikunamanta karka, Operacional Número 1 – Norte hatun awkakuna karka.

Hatun tantarika Centro de Convenciones de Tabacundo wasipimi karka, chaypi Gabriela Rivadeneira kitita, shulkakunata shuk kushikuyta kurka. Ashtawan sumakruraykunata yachashkata chanirka, GAD Pedro Moncayo charishkawan runakunata yanapashkatapash riksirka, chaytaka yallik watanmanta Mamallakta Tantanakuy yanapashkata riksirka,

“Ñukanchikpak llaktakuna hawaman purishkamanta kushiyarin, kay watakuna ishkaypuralla kamaymanta llukshirishkanchik, ñawpaka ishkay, kimsa hatun kitikunapilla alli llankaykunapash karka. Mamallkatapak shunkutaka kunkarishkami karka, chayka pakllami kan” nishpa rimarka.

Chay pachallatak, Mamallakta Tantanakuyta Pushak, kamachiykunawan alli rikurinkapa llaktayukkunawan chaypikanata hawaman churarka, chay kamachiykunaka Recursos Hídricos, tukuy Mamallaktapi Consulta Prelegislativa llankayta hawapi churashpa riksichirka.

Shinallatak, Gabriela Rivadeneira Mamallakta Tantanakuyta pushak, kunanka llaktakunaman chayakun, chaypi llaktayukkunawan rikurin, markaunapi tiyak Mamallakta Tantanakuyta minkashkawan kamachiykunata riksichishpa llankan.

Mama Gabriela Rivadeneira rimashka, Allpa Kamachiy karka, kay kmachiyta tukuy llaktakumana riksichishka Kan nirka, ñawpa watakunamanta llaktayukkuna mañamushkata tikrachishka kan «tukuy rimaykunami tikrachishka kan», imashina awki mikuna, tarpuy mushukyayta pushamushka nishpa tukuykunaman riksichirka.

Chay aknaypi, (GAD) kamaywasipak, Pedro Moncayo hatun kamachikkuna, llaktayukkunaman shuk kamarita kararka, chayka Segundo Benjamín Cisneros, chay Guerra del 41 makanakushpa mishak, Santa Elena llaktata pushak, Patricio Cisneros kamachikpak taytapash, akllashka kamachikkuna karka, paykunami achkata rimarka.

Chay Fuerzas Armadas, Carlos Obando kay raymipi karka; Banco del Estado hatu kamachik karka, Verónica Gallardo shutita charirka; shinallatak Subsecretaria de Gestión de la Política, Gobernabilidad, Paola Pabón kamachikpash kaypimi karka, Pichinka markamanta kamachiy killkakunapash karka.

Jc-kichwa

Kay Carlota Jaramillo takikpak llaktamanta, Mamallaktapi takik kapak riksishka karka, Calacalí llaktapi, Gabriela Rivadeneira, Mamallakta Tantanakuyta pushak, kay llaktapak runakunawan rimanakuyta charirka, warmikunapak hayñita yanapak kamachiykuna hawa ashtawan rimarka. Kay kamaywasipakka kari warmi llaktaymanta rimanami alli kan, kunanka 35 kamachiykunami arinishka kan.

Hatun samana pampamanta, inti rupachikuska, wiñaykawsay kuskakuna muyushka pampapi kari warmi hawa rimankurka, tukuy runakumantapash rimarka. Warmikunapak hayñimanta rimashpaka, hayñikunata sumaychak tukuy runakunamantami rimanchik nirka. Mana mayhanchu, hatun kan, uchilla kan, chayta mana rimashkanchikchu, tukykuna pakta kanamantami rimanchik, chaytami Mammallakta Tantanakuymanta rimanchik, runakuna pakta hayñita hapinka, kaymi pakachinka churanchik.

Chaymanta rikushpa, shina achiklla rikushpa Mamakamchiypi tiyak kamachiykunata yuyarirka, imashnami Ecuador llaktapi paktakayta mashkan, shinallatakmi shuk llaktakunapipash mashkakun, suyu upimi mashkakun. Kaytaka 20 watapi, 189 Mamallaktakuna tantarishpa, China llaktapi yuyarirkakuna. Chayta yuyarishpa sarun hunkapi, II Foro Beijing +20, kay llankaykunawan katinkapa tawka istallaktakuna yuyarirka, shuyakuk rimanakuywan katinkapa kay tantarita rurarka.

Kay istallaktakuna tantaripika kimsa yachaykunata charirka: kawsaymanta warmikuna kullkita charinkapa llankamushka; kariwarmi, warmi wawa hawa willana hillaykuna hawa; hayñikunapi, mutsuy tiyakpi paktapakta kay; kallari rimayta Ecuador llaktapi wakin uchilla kamachiykunawan riksishkami kan; shukka kay Código Orgánico Monetario y Financiero kan, shinami Gabriela Rivadeneira yuyaypika kan, warmikuna tukuylla kullkiyuk wasimanta, shukpaklla kullki wasimanta kullkita mañanata ushan.

Wakchayka kay runakunatami waktan, chay llakipimi purun allpakuna, mana alli yachaykuna yaparishpa waktan, shinami ashtawan yalli llaki tukun, chaymantami warmikunapak hayñika kallaripi kan, shinami wakchayay llikata pitishun, Mamallakta Tantanakuyta pushak shina rimarka. Kayta rimashpami Yaku Kamachiytapash, warmi hayñita charishpa yakuta hapinkapa yaykurin, shinallatak Allpa Kamachiywan, warmipash allpata charinata ushan nirka. Warmikunami tarpuna allpata alli kamanata yachan, alli llankayta rurachun paykunapi iñina kacnhik.

LM/p/jc-kichwa

Kay Latinoamericano Progresista ELAP – 2015 tantanakuypak rimanakuyka tawka Ista llaktamanta, Latinoamérica suyu llaktakunamantapash 300 yalli ayllukuna, ayllukunapak 60 tantarikunpashmi kay “Democracias latinoamericanas y procesos de elección popular” rimanakuyman chayamunka , Mamallakta Tantanakuypak wasi, Quito llaktapimipaktarinka.

Mamallakta Tantanakuyta pushak, Gabriela Rivadeneira apuk, Alianza País tantanakuypak wasi ukumanta llaktayukman willachiypika nirkami, kay rimanakuymanka Bolivia llaktata kipa pushak, Álvaro García Linero runa, Venezuela llaktapak Mamallakta Tantanakuyta pushak Diosdado Cabello runa, Bolivia llaktapak Cámara de Diputados tantanakuyta pushka, Gabriela Montaño runapashmi chayamunka, nirkami.

Gabriela Rivadeneira apukka, América Latina suyu llaktakuna yanaparishpa llankaymanta rimanakunami mutsurin, kunanllapashmi Quito llaktapi CELAC shinallatak Unasur tantanakuykunamanta pro témpore pushakkunawan Colombia, Venezuela llaktapi llakikuna ashayachinamanta rimanakuy paktarka, nirkami.

Nirkapashmi kay rimanakunapak 9 niki tantarishkapimi “Democracias latinoamericanas y procesos de elección popular” yuyayminamanta rimanakunkakuna, kaypimi Kamachiy Awllipak yanapayka riksirinka, suyullaktakunapi Mamallakta Tantanakuykunata pushakkuna chaypi kashkawanmi llaktakuna pakta makipurashpa kawsay sinchiyashkata riksichinka, nirkami.

ELAP 2015 rimanakuyka llakta pakta kawsanamanta, llakta unanchaymanta, ayllukuna pakta kawsaymanta kimichishpami rimanakuyta paktachnika, shinallatak allpa pacha llaktakunapi llaktayukwan llankak tantarikunawanpash rimanakunka. Kay tantanakuykunaka kimsa rakishka uchilla rimanakuypimi paktanka: Casa de la Cultura wasipimi hatun tantanakuy paktanka, shinallatak Mamallakta Tantanakuypi, CIESPAL tantanakuypipashmi tantarinkakuna.

Llaktayukman willachiypika, PAIS wankurita pushak, Doris Solís warmi, shinallatak ministro de Cultura, Guillaume Long runapashmi chaypi karka.

El Foro Beijing + 20 capítulo Ecuador es fruto de un proceso histórico, de la lucha incansable por conseguir la (más…)

Con el nuevo Código Orgánico Integral Penal procuramos la protección de la vida y la integridad de las ciudadanas y (más…)

Con el nuevo Código Orgánico Integral Penal procuramos la protección de la vida y la integridad de las ciudadanas y ciudadanos del país.

Ecuador es un país de paz, que construye su futuro con consensos e ideas. Asamblea Nacional. Contigo ¡de ley!

Mamallakta Tantanakuyta pushak, Gabriela Rivadeneira, paklla runakuna, tarpuk runakuna Mamallakta Tantanakuypi rimanakurka, kayman allpata alli rakina hawa, awki mikuna hawa, paykunapak mañayta rikuchinkapa shamurka Diálogo Nacional por la Justicia y Equidad Social ukupi karka.

Ayllullakta tantarikuna sinchiyachun, tiksikunami shayarina kan, runa yllukuna wankurina mutsurin, “chaywan awki mikunata mushukyachina, hatun kamaywasikuna paykuna allpata, allpa kushka yanapaykunata apakukpi takarina”.

Yuyarikunata, Hatun rimanakuyta charinkapa tantarikunawan Atinakuna pampaka, llankankapa kutintak tarinami kan.

Yakuman, allpaman, puchikkunaman, llankanakunaman yaykurina, kay rimanakuykunaka, kay rinakuykuna runapak hayñita kutintak charinaman yaykuchina, hayñiwan kimirishkami kan.

“Ecuador llaktapak paklla ayllullaktakuna, pakllamanta shamuk kapukkunata rikuna, pakllakuna tiyashpaka, chaypi imashina apkllapi kawsanata rikuchinka, chayka shuktak hillaykuna mutsurin: shuk awki llakta ushay, tukuykuna rurashka mutsurin” nishpa tukuchirka.

Mamallakta mushuk llaktayta pushakuyka, runakuna tantarishka llaktata charinkapa yuyaymi kan nirka, achka runakuman kullkita charinkapami kan, sapan markakuna, suyukuna kullkita charinkapa sinchita llankak rikurin, shinami achka runakunapak mutsuyta paktachinka, paktarakita charik, paktakayta charik runakuna wallparinka.

“Kikinkuna kaypi kashkamanta aknanata munani, kay llakikuna tiyak pacha, arinina pacha kaypi kashkamanta achkata kusiyarini. Tawka sami rikuchinata ushanchik. Chaytatakmi kunan kaypi tarpukunchik: Kay kariwarmi mashikuna rimanakuy kan”, shinami yapa rimarka.

Ña tukuchinka Mamallakta Tantanakuyta pushak, pakllapi kawsak runakuna kay Banco Nacional de Fomento (BNF) kullkiyuk wasiman 15 waranka urayman manuta charishkamanta wanachiyta, wawakullkita, manukkunaman yapa kullkita allichinkapa yuyayta kurka,. “Kay tantarikunaka chaypakmi kan, kaymanta rikurishkami kan”, shina rimashpa rikuchirka.

Mama Rivadeneira chunka watakunata, Mamallakta Tantanakuy ukupi, paykunapak yuyaymanta kachiyta churshpa llaktakunata tapunata yuyayta charirka, shinapash kunan kay Hatun kamachikwan imashina allpata charina kamachiyta llaktakuman rikuchishkanchik.

JC-kichwa