Mamallakta Tantanakuyta pushak, Gabriela Rivadeneira kishpiyrina kapari yuyaripi karka, chayka ñami 206 wata kan, shamuk 10 puncha, chayka Campo de Marte de la Escuela Superior Militar Eloy Alfaro de Quito kuskapi pusharirka.

Kunan General de Brigada Luis Eduardo Zaldumbide awka sikarka; shinallatak Javier Albuja, Francisco Drouet awkakuna chaypi karka; katipika 170 ayñikunata rikuk, 115 awka mitachi, Capitán Abdón Calderón tukurka. Shinallatak General Albuja awkata sikachirka, Mamallakta Tantanakuy pushak kay kamachikkunata llankaypi tiyachirka.

Chay kishpiyri yuyariman kay Ministro Coordinador de Seguridad, César Navas, Ministro de Defensa, Fernando Cordero kamachikkuna chayarka, shinallatak Fuerzas Armadas (FF.AA) kamachik, tantarikuna, chapakkuna; kushipata kamachikkua chayarka.

Kay 10 puncha, karwa killamanta yuyarishpa, Navas Hatun kamachik, Rafael Correa hatun kamachik Mamallakta Pushakpak shutipi shamurka, kay kamayka kishpiychikmi kan nirka. 1839 watapi kishpiyrina makanakuy Ñukanchik Mamallakta wiñarishpa tukurirka, mana hawalla kashka nirka, ima kaypash chay watapimi ista llaktakuna llapishpa charishka tukurirka. Chay wiñaykawsaywan kamaywasi, kunanka Ecuador llakta sinchi llankak llakta, awki llakta tukushka.

Kunami ayllullaktakuna mushukyaypi kawsakun, washaman mana tikranaman kutintak arininchik. Rimanakuk llakta tukushkanchik, ishkaykutin kishpiyrinaman chayashkanchik, chayka paktaraki, runakuna paktakayman chayanami kan. Kay ukupimi, ñukanchikpak FF.AA ñawpa watakunapi wañushkakunata yuyarina punchata tantan. Mamakamachiyta, paypak hatun kamachikkunata, paypak llaktakunata sumaychashpa llankaykunata paktachinchik nirka.

Kay Hatun kamachikmi kay kamaywasi Mamallakta ukupi may mutsurik kakta riksishka, paypak mushukyaymanta, tantarimanta achkata haykarishka, shina allita, maysumakta llankachun Navas hatun kamachik rimarka.

Paymanta, General del Ejército Pushak, Carlos Obando hatun kamachik, Mamallakta Tantanakuy pushak, shuktak hatun kamachik shamushkamanta yupaycharka, paykuna 1809 wata, 10 puncha, karwakilla wiñaykawsayta yuyarishkamanta yupaycharka, kay watapimi Ñukanchikpak Mamallakta wiñarirka. Kunan awkakunami kishpiyriman paktashkata yuyarishpa shuk kamarita chayachirka, chay pachamanta Ecuador llaktapi kawsk runakuna kushilla kawsayta charishkamanta yuyarishpa, kutintak shinami kan nirka.

LM/cv/jc-kichwa

Mamallakta Tantanakuyta Pushak, Gabriela Rivadeneira, sarun awkak puncha, Consejo Administrativo de la Legislatura (CAL), ñami kay Movilidad Humana kamachiyta arinirka nishpa willarka, chaytami Comisión de Soberanía y Relaciones Internacionales allichishpa katinka.

Mamallakta Tantanakuyta pushak kay Movilidad Humana rimarikushpa, chaywa hatun Rimanakuyta kay Mamallakta ukupi kallarikushpa shina rimarka, chay rimankuyka José Mejía Lequerica ukupi pusharirka, kay yuyaykunata churashkawan, Comisión de Soberanía y Relaciones Internacionales kay mushuk kamachiyta allichishpa katinka, kay kamachiymi Ecuador llaktamanta kay allpapi kawsakkunakunata yanpanka.

Kay yuyaykunataka chikan chikan pataku rimanakuypimi churanka, chay runakuna purina hawa yachak runakuna yanapaywan kay kamachiy hawa ashtawan allita paktachinka, nikikunatapash, killka milkakunatapash allita kuskachishpa killkanka.

“Kunan kay Movilidad Humana Kamchiy hawa atinakuywan, Mamallaktapi Hatun rimanakuywan kallarinchik, allpapachapak tawka kuskakunapi ñunkanchik Ecuador llaktamanta mashikuna kawasana llaktakunapi mutsuykuna tiyakpimi kay kamachiywan yanapashun nirka”, shanami Mamallakta Tantanakuy pushak hamutachirka.

Kipaka rimakuymi Mamallakta alli ñawpachun kallari hillay kan nirka, “ñukanchik Mamallaktata kasilla kachun llankashpa katichun yanapan, ama yallik watakuna purik runakuna hatun llakitacharirka shinallatak ama kutintak kullki llakita charichun kay kamachiy yanapan ”. Kay kamachiyta arinishpa Ecuador llaktami shuktak Mamallaktakunata yanapan, purik runakuna kishpiyrishka purichun yanapan, mana Mamallakta runakunata kamaylla kanchu, hatun yanapaymi kan.

“ Ecuador llaktami, ista llaktakunapak ñawpakpi kay movilidad humana kawsayta allichinkapa chikan chikan rimaykunata churashka. Kay ñukanchikpa kaparina wipala karka, shinallatak kashpami katinka”, shina rimashpa tukuchirka.

Mamallakta Tantanakuyta pushak, allpapachapi purik runakunapak shutipi llankak kamachikkunata yupaycharka, Movilidad Humana, María Landázuri kipa hatun kamachikta yupaycharka, pay kay kamachiyta killkachun yanapashkamanta ashtawankarin yupaycharka.

“Mana kaynamanta kunanpak llukshirkachu, punchanta llankaymi karka. Tukuy 2014 watatami llankarkachik, kay llaktamanta tantarikuna, ista kamachikkunapash yanaparkami, tukuy Mamallaktapimi kitikunapi, shulkakunapi, saywashka llaktakunapi kay mushuk kamachiytaka riksichirkanchik”, nishpami rikuchirka.

Tukuchinkapa, Gabriela Rivadeneira, kay llankayta minkashkakunaman, llankay punchakunata patarichun mañarka, shinami pichak purik runakuna kay Movilidad Humana kamachiyta rikshishpa sakirinka.

JS/jc-kichwa

Mamallakta Tantanakuyta pushak, Gabriela Rivadeneira, Cotopaxi markapak llaktapi kamachikkunawan, ayllullakta pushakkunawan, llaktayukkunawan hatun rimanakuyta charirka, chayka Guangaje y Juigua Yanaurco ayllullaktapimi pusharirka, mamakuchamanta 3.500 tupu hawaman sakirin.

Chay Guangaje llaktapi, Mamallakta Tantanakuyta pushak, Cotopaxi markamanta kamachiy killkakkuna yanapashka, Pujilí kiti pushak, Fernando Matute, shinallatak Jorge Toaquiza shulka pushak chaskishka karka, chaypimi runa ayllullaktakunawan, tawka runakunawan shuk hatun rimanakuyta charirka.

Chay rimankuyka yachak tayta kushita kushkawanmi kallarirka, yuyukuna, sisakuna, tarupuwanpash kushita kurka. Kay hampikunami runakunapak kawsaymanta karka, shinami yachak Víctor Mena willarka, shinami naparka, mapa samikunata surkurka.

Kay hatun tantarika paykunapak achka mutsuykunata, mañaykunata rikuchirka, ashtwanakari Allpa Kamachiy hawa, allpata kamachiywan shutichina hawapash rimarka, ñankunata ruranata, wasikunata, parkuna yaku charinatapash rikuchirka. Chaypimi Ramiro Vela, Rocío Albán, Orlando Quindigalla kamachiy killkakuna rimarka.

Ayllullaktata pushakuna, CONAIE tantarita pushakkuna kaparishpa purinkapa kayashkawan mana allita kakta rikushka rikuchirka, chaykunaka Hatun kamachikkunawan takarikmi kan nishpa willarka, Mamallaktapi hatun rimanakuywan llakikunata allichna hawami alli kan, nirkakuna.

Mamallakta Tantanakuy pushak, paymanta, Ecuador llakta mushukyarikuk punchakunami purikun nirka, kay Justicia Social y Equidad kawsaykunaman yallikunnirka. “ Tkuykuina tantarishpa llankana pachapimi kanchik nirka”, kutintak shina rimarka.

Shinallatak, Juigua Yanaurco, Mamallakta Tantakuyta pushak, Cotopaxi markapushak, Fernando Suarez, Guillermo Tiguasi ayllullakta pushak, achka runakuna chaskishka karka. Achakta chuzu tamya urmakukpi, Rivandeneira pushak, uktachik kamachikkunawan tantarishpa kay mutsuykunata allichishun, (Agencia Nacional de Tránsito), GADS, Mamallakta Tantanakluy tantarsihpa, ayllullaktaman antawakuna chayachun yanapashun nirka.

Kay Allpa kamachiy uchilla tarpukkunaman yanapanka rimarka, yaku kamachiywan ishkantin, chakrakunata ṕukuchinka nirka. Kay Allpa kachiywan allpakunata pakta rakishpa yanapanka nishpa willarka, Allpa kamachiyka manarak arinirishpa, llaktakunapi riksichishka kakun, kipama Mamallakta Tantanakuy arinichun allichishpa rikunchinka nirka.

JC-kichwa

Mamallakta Tantanakuyta Pushak, Gabriela Rivadeneira, tantarikunata pushakkunawan, Mamallakta minkashkakunawan rimanakuykunapi pakta kayta rikuna, tantarikuna shuktak runakna rimashkata hapinami kay minkashkapak llankayka kanka.

Kay llankakkunapak tantarikunwan “ pakta raki, paktakay hawa rimanakuyta kallarinkpa” José Mejía Lequerica ukupi, chay Parlamento Laboral, del Frente Unitario de Trabajadores (FUT), Central Unitaria de Trabajadores (CUT) tantarikunata hatun Pushak yupaycharka.

Kay tantarikunaka, Derechos de los Trabajadores minkashka, Mamakamachiyta mushukyachina minkashkakuna kaykpimi Mamallakta Tantanakuyman chayarkakuna, paykunami llankakkunawan hatun rimanakuyta pushanata minkarishka kan, paykunapak mañayta, tukuy llaktayta uyanka.

Pushak Gabriela Rivadeneira pay rimashpa, Mamallakta Tantanakuyka ashallakunapak tantarina uku kashkata sakishkami, kay hatun kamachikkunawanka runakunata shuktak llankachik hapishpa ashalla kullkita kushpa llankachikka ñami tukurishka; shinapash ñami llankaymanta, llankaypi payayashkamanta kullkita hapinata rimana kanchik nirka.

Ashtawankarin Mamallakta Tantanakuy llankaykunata alli llankanata rikunata, chaypak kipa kamachiy killkak, Marcelo Solórzano tantariman yaykurishka mañashkata paktachinka.

Kay Gabriela Rivadeneira, llankakkunata chaparayachun nirka, charikkuna, paya llaktayta pushakuna kay Mamallaktapi alli llankaykunata wakllichinkapa hatarimunkun nirka, Kawsaykamayman wasimamakunata yaykuchishkata, chay warmikunaka shuk hunu chawpimi kan nirka, llankaklunawan rimanakuyta mashikuna shina tiyarishpa rimankuymi kanka, shina llaktakuna ushashkata ama pampaman shitachun nishpa rimarka.

Ña rimayta tukuchishpa, llankakkunata minkashkakuna, kipapushakunata tantachirka, shuk tantarina patakuta wiñachichun nirka, chaypi sapan tantarikunapak pushakkunawan rimanakuna tiyachun, chaypimi Parlamento Laboral, Frente Unitario de Trabajadores (FUT) Central Unitaria de Trabajadores (CUT), ashtawan yuyarinka tantarinkakuna.

Kay Mamakamachiyta mushukyachinka llankaykunata pushashpa katinka, chaypi tukuy mañaykunata, llaktakunapi rikushkakunata churanka, 16 nikikuna hawapash rimanka.

JC-kichwa

Mamallakta Tantanakuyta pushak, Gabriela Rivadeneira, tawta kamachiy killkakkunawan tanta Mamallakta Tantanakuyta pushak Paseo del Chagra raymipi, Machachi llaktapi karka, chay punchaka Mejía kiti, 132 watata paktachishka raymimi karka.

Mamallakta Pushak Mejía kitiman kushiykuyta kurka, kay raymikunata kawsakta charina nirka, chagra wakawan runa tukushpa shuyurishpami rikurirka, chayka Ecuador llaktapak punasuyumantami karka, apyupi tiyarishkami karka, sinchita tarpushpa, wakrakunata kamashpa llankaytami rikuchirka.

Gabriela Rivadeneira, kamachiy killkakkunawan, Mejía kiti pushak, Ramiro Barros kamachikwan, apyupi tiyarishpa, chagra runapak churarinata churashpa: kushma, karawara, Machachipak hatun ñankunata purirka, kipakaTribuna de Honor wasiman, Teatro Municipal kuskaman chayarka, chaypi napayta kacharka.

Kaymanta, sumak takikunata uyashpas, apyupi tiyarishka purikkunata, takikunata, kamachikkunata, kayashkakuna Punasuyu tushukkunata, tawka tullpuyuk tushukkunata rikurka,.

Shinallatak, tantarimanta, ayllumanta shamukkuna apyupi tiyarirka. Shinallatak urku pampakunamanta shamuk ruwanata churashpa tushurkakuna, chagra runapak kikin churarinata churashpa tushurka.

Chay Paseo del Chagra raymiman, Fausto Cayambe, Esthela Acero, Mauricio Proaño, Blanca Argüello kamachiy killkakkuna kayashka karkakuna.

JC-kichwa

Ishkaykutin Código Orgánico Integral Penal kamachiyta, Turismo kamachiyta kallarik atinakuyta, kay Codificación de la Ley de Aviación Civil kamachiyta rimankunka, kaykunami 338 Mamallakta Tantanakuypak llankaykuna tukun, kay tantariman Gabriela Rivadeneira kayarka, kullka puncha, 10:30 sayllamanta kallarinka.

Kay atinakuyka Comisión de Justicia y Estructura del Estado minkashkami pushanka, Mauro Andino Reinoso kamachiy killkakkmi ñawpanka. Kipipi churashka irpakunata mana kamachiywan rikushkata charik, pakalla hatun katukkunapash wanachishkami kanka, paykunaka shinami wanachihska kanka:

Chay katuna kipikuna, killapi hapina llankay kullki 142 chanimanta, 424 chanikama kakpi, llankay kullki 55 chanimanta, 85 chanikama wanachina, shinallatak llankay kullki 124 chanimanta, 847chanikama kakpika, llankay kullki 86 chanimanta, 175 chanikama wanachina; shinallatak 847 chani wichiman kakpika, llankay kullki 176 chanimanta, 295 chanikama wanachina.

Shinallatakmi suwashpa kapukyachik, irpata shuwashpa katuk, irpata charik tantarikunata, runakunata llakichikpipash kay wanaykunawanllatakmi wanachinka, kamachiywan arinishka irpata charikman mana willashpalla hapikkkunatapash shinallatakmi wanachina kan. Mana yalli kullkita hapina yuyaywan katukkunatanaka mana shinallatak wanachinachu kan.

Rikurik irpakuna, kay irpakunata charikkuna, kamachiywan arinishkta rikuchina mana mutsurinkachu, paykunapak kashkatallami rikuchinata charin. Kamachiywan arinishka runa huchachishka kakpipash, chay wanachillawantakmi wanachishka kanka.

Mushuk kamachiy shuktak kapukta unananchashpa mirachikkunata, katukkunatapash mana wanachinachu, kay kapukkuna mama irpata mana llakichinachun kan. Kipaman llakikuna rikurikpika paykunami huchata aparina kan.

Antawa kamachiyta paki

Kay COIP kamachiyta mushukyachinapi, ashtawan kaykunami tiyan: machashka, miyuy hampita upyashka antawata pushakushpa sinkuchikpi, runakunata chukrichikpi, nipakunata wakllichikpi hatu huchatami aparinka, sinchita wanachishkami kanka.

Kay antawa sinkuypi mana wañuy tiyakpi, hawalla chukririkunata tiyakpi, mana tisiku sakirikpi, ukunpak wakin kuska mana kuyurik sakirikpi, llakirishka pura rimanakushpa allichirina kan.

339 tantari

Chay punchallatak 339 yupay tantarita charinata ushanmi, 09: 30 sayllata kayanka. Chay pachallatak, Orquesta Sinfónica Nacional del Ecuador takikkunaman shuk kamarita kunka “ Ecuador llaktapak Mamallakta Tantanakuy, Dr. Vicente Rocafuerte ”, shutiman kamarita charichinka.

PV-LM/jc-kichwa

Kay Parlamento de Mercosur (Parlasur) pushak, Saúl Ortega kamachik, kay Mesa Directiva del organismo regional tantariwan tukushpa: Guillermo Carmona, Blanca Eekhout kamachikkunawan tantarinkuna, paykunaka Gabriela Rivadeneira, Mamallakta Tantanakuy pushakwan tantarirka, Estado Mamallaktata yanapayta paykuna rikuchirka, Ecuador llaktapi llakikuna tiyay kallarikpi yanapayta rikuchirka.

Suyupi mushuyarinata munak Mamallaktakunata kaparikunawan, manchachikkunawan mana kasilla sakikpika Saúl Ortega tawka llaktakunapi shinallatakmi kan nirka, kay llakikuna Brasil, Argentina, Venezuela llaktakunapimi rikurirka. Shina hatarikuna rikukkpika willana hillaykunata katishpami panta willaykunata mirachikpimi runakuna yanka hatarin, shina llulla willaykunawan ista munaykunata, charikkunapak munaykunatami yanapan.

“Hatun llakikunata charishpaka ñukanchik yanapachun mañapaychik”, shinami pushak rimarka. Kay Parlasur hatun tantari Ecuador llaktata yanapankapa mana sakinkachu.

Paymanta, Mamallakta Tantanakuyta pushak, chay Mercosur llaktakuna yanapayta sinchita yupaycharka, wiñaykawsaymanta mana pipash yanapashka runakunata alli kawsayta chrichunmi Mamallaktata mushukyachishpa llankakunchik. Shinallatak Latin Apya-yala llaktakuna tantarishpa tukuylla llaktata atinakuchun mañarka.

“Mana ñukanchiklla kashkata rikuchinkapa mushuk ñankunata rikuchina. Mamallaktakunapi allli llaktakunata tankakushkamanta, suyupi hatun rimanakuyta charina, shina runakuman hawalla hamutachina rimayta churana”, nirka.

Rivadeneira Mamallakta Tantanakuyta pushak, shinallatak Parlamento de Mercosur (Parlasur) pushak, Saúl Ortega kamachik, ishkantin shuklla yuyayta charirka. Chaymanta Mercosur y Unasur tantaripak muyuntinpi yapa tantarikunata charina, shuktak runakunata kachana.

Kay hawa, Gabriela Rivadeneira Mamallakta Tantanakuyta pushak, kay Parlamento de Unasur tantarita yanapachun mañankapa kuchuyana nirka, paypak wasita Cochabamba llakta – Bolivia Mamallaktapi wallparikun. Kay llaktapi Mamallakta Tantanakuyta pushakkuna tantarinka, chayka sasi killapimi kanka.

JS/CV/jc-kichwa

Hace unos días estuve en Montevideo en visita oficial. Tuve la fortuna de conversar con José «Pepe» Mujica y conocer (más…)

Hace unos días estuve en Montevideo en visita oficial. Tuve la fortuna de conversar con José «Pepe» Mujica y conocer su visión sobre varios temas, entre ellos la redistribución de la riqueza. Te invito a conocer y compartir lo que me dijo.

Mamallakta Tantanakuyta pushak, Gabriela Rivadeneira, kay Hatun Puncha, Inti Raymi Hatun tushuypi karka, chayka paypak llakta, Otavalo, kitipimi sakirin.

Kay Plaza de Ponchos shutiwan ukuykuna riksisha, makiruraykuna katuna pampaman, riksina kuskaman runa tushukkuna, Otavalo llaktapak yanachana wasimanta tukushkuna chayarka, paykuna, karawara, kushma, muchiku churashkakuna chayarka, kay churarinaka Imbabura llaktamanta, anti llaktakunamantami kan.

Takikunaka tinkawan, llikillikiwan, wankarwan takirkakuna, shuk tantarikunaka yunka, puna llaktakunamanta rurukunawan yallirka, shinami allpamamata yupaycharkakuna.

Mamallakta Tantanakuyta pushak, hatun tankanpi rikurirka, chayka Imbabura runakunapak, mishukunapak pacharikuy hatun unancha shanami chay pachaka karka.

Gabriela Rivadeneira, pay wawa kashkamanta pachami kay raymikunapi kashkani, chakiwan takaykuna, allpa hawapi tushuy, pay kushka murukunata pallashpa yupaychaymi kan. Wawakuna kay ñawpamanta yachaykunata kawsakta charishpa katichun nirka.

“Ñukanchik kawsaykunatami sinchiyachikunchik nirka, ñukanchik kikin kashkata, ñukanchikpak kawsay tarpuyta charirayankapami shinanchik nirka, ñukanchik Mamallaktapak hatun charimushkami kan”, nishpa tukuykunaman uyachirka.

Kay Raymipika kitimamanta, markamanta kamachikkuna, shinallatak Yachaykamayuk Hatun kamachikkuna chayamurka. Hatun Puncha, mana kashpaka Inti Raymi punchami kan. Imbabura markapak runakunapak yuyayka, Pacha Mamawan, Pachakamakwan, ñawpapacha taytamamakunawan kimirinakuy punchami kan.

JS/CV/jc-kichwa

Tawka tantarikuna hatun kamachikkunata allita llankakpi, Mamallakta Tantanakuyta yanapashpa chayakpi, Gabriela Rivadeneira, paykunata yupaycharka, kay kamachiykuna Ecuador llakatapi kawsak runakunata achkata yanapak kakpimi yupaycharka. Llaktayukkuna panta willaykunata uyashpa ama pantarichun mañarka.

Kay Juan Montalvo hatun pampapi, wipalakunawan, killkashka hatun pankakunawan, shuyukunawan, tawka runakuna chayarka, paykunaka: Confederación de Pueblos, Organizaciones Indígenas y Campesinas del Ecuador (FEI); Federación Nacional de Trabajadores Agorindustriales, Campesinos e Indígenas Libres (FENACLE); Unión Nacional de Taxis Ejecutivos (UNATEC); Central Unitaria de Trabajadores (CUT), Partido Socialista, Alianza País tantarikuna yanapayta kunkapa chayarka.

Llakta ushay pushayta yanapayta chaskishka kipa, tantarikunapak awkikayta, llaktayta wakchayta, chikan chikan kawsayta anchuchinkapa llankakunchik nirka, kay tantarikunawan kimirishpa llankayka, Ecuador llaktata wiñachinkapa “mushuk makita kuymi” kan, Gabriela Rivadeneira rimarka.

Kay 8 watamanta, Revolución Ciudadana kamachikkuna, Mamallakta Tantanakuywan pakta llankayta kallarishkamanta, Yaku Kamachiy, Allpa Kamachiy tawka tantarikunaman, yachakkunaman mushuk kamachiy yuyayta churakun nirka.

Kay Seguridad Social tukuykunaman kachun. Kay hawa, Mamallaktami kay wiñaykawsaymanta manuta hapishka nirka, kayka 500 llankakkunata yaykuchishka, chayka Seguridad Social llikaman yaykuchishka, shinallatak kikinllatak, antawapi llankakkunatapash yaykuchinka. .

“Mamallakta Tantanakuypi llankaykuna llaktakunata, kitimanta, shulkakmanta, waranka runauna tantarishpa mana yanapakpi, kay kamachiykuna mana arinirinmanchu karka, tukuyllapak kamaywasi kakpimi shina llankaykuna kan”, nirka .

Kunanmi, llaktayukkuna wakchakunata yanapak Mamallaktata wallpanata ushankuna, mana chay tsiknik, rakirishka, shitashka, waktay kawasyman kutintak tikrashun” nirka.

Charikkuna, kullkiyukkuna, waktakkuna mushuk Mamallakta kachun mana munanchu, paykunallami imatapash charinata, Mamallaktata pushanata munankuna “ Chayta mana sakinkapa tantarina kanchik”.

Tukuchinkapa imashinami Kamachiy killkakkuna, llaktakunamanta kachashka kashkamanta, tantarikunata pushakkuna, kasilla kayta wallpashpa katichun, mana waktashpa kachun, shamuk watakunaman shamuna runakunapi yuyashpa katichun nirka.

JC-kichwa

Mamallakta Tantanakuyta pushak, Gabriela Rivadeneira, Rupayta Harkakta pushak warmikunata chaskirka, paykunaka Ecuador llaktapak chikan chikan kitikunamantami napayta, mañaykunata chayachinkapa shamurka, mañayta tikrachikpi chaywan llaktayukkunata yanapanka.

Imbabura markamanta Chay Luisa Villalba hatun pushak, Comandante del Cuerpo de Bomberos de Otavalo, mashikunapak shutipi rimarka, Mamallakta pushakpak llankayta yanapashpa rimarka, kunanmi warmikuna ushashka, tawka pushana kuskakuna tiyan nirka.

Kay Villalba warmi kamachik Defensa Contra Incendios kamachiy tiyachun nirka. Maypimi kitikuna tiyak llaktakuna ña kikinllatak karupi, Cuerpos de Bomberos kamaywasikuna llankay kallarichun, chayta paktachinkapa kitikuna mañachun nirka.

Paymanta, Mamallakta Tantanakuyta pushak, mañashkakunata chaskirka, kay Consejo Nacional de Competencias (CNC) kamaywasiwan, Secretaría Nacional de Planificación y Desarrollo (Senplades), kamaywasikunawan shuk tantarita charina nirka, shina Gobiernos Autónomos Descentralizados (GADS) kamachikunapak ushayta riksishun nirka.

Shinallatak, kay Comisión del Desarrollo Económico, Productivo y la Microempresa kamachikkunata mañana, shinallatak MamallaktaTantanakuy Incendios kamachiyta killkay kallarinka nirka, Código de Entidades de Seguridad Ciudadana kamachiytapash killkay kallarinka nirka.

Kay tantaripika Otavalo (Imbabura markamanta), Luisa Villaba kamachik karka; Quinindé (Esmeraldas markamanta), Margarita Nieves kamachik karka; Puerto Ayora (Galápagos markamanta), Elsa Cabascango kamachik karka; Palora (Morona Santiago markamanta), Neyda Carreño kamachik karka; Cascales (Sucumbíos markamanta), Amanda Buñay kamachik karka, Cevallos (Tungurahua markamanta) Deysi Barcenes kamachik karka.

JC-kichwa