Wawakunapak punchapi, Mamallakta Tantanakuyta pushak, Gabriela Rivadeneira apuk, Kamachiy Awlli wasipimi Quito kullasuyu kuskamanta “Tránsito Amaguaña” yachana wasipi yachakuk wawakunata chaskirka.

Mamallakta Tantanakuypak sisa pampapimi, 5 watamanta 11 watayuk 90 yalli wawakuna, paykunapak yachachikkunawan chayamurka, paykunaka Álex Alvear runawanmi takishpa pukllarkakuna.

Wawakunaka chay kipaka, “Nela Martínez” wasi ukumanmi riksinaman yaykurkakuna, kaypimi Oswaldo Guayasamín runa shuyushkata rikunaman chayarkakuna, kaypimi Ecuador wiñay kawsayta rikuchin. Wawakunaka shuk shuyuna killka kaspita, shuk killkana pankatami chaskirkakuna.

“Yachana wasimanta wawakuna Mamallakta Tantanakuyman chayamukpika kushillami kanchik. Kay kutinka Tránsito Amaguana yachana wasi wawakunami chayamushka, ñami shuk wata paykunapak wasiman chayashka, kay kutinmi kayman shamushkakuna”, Gabriela Rivadeneira apukka, nirka.

Shinallatak, Irma Gómez, yachana wasita pushakka, Mamallakta Tantanakuypi chaskishkamanta kushillami kanchik, wawakunaka kay Quito kitipak hatun mintalana pampa kuchullapi kawsakkunami kan, chay kuchillapimi yachana wasipash sakirin, nirkami.

“Wawakuna chayamushkamanta kushillami kanchik, shamuk pachakunapi Ecuador llakta pushakkanata munachunmi yuyanchi, kayshinallami mushuk llaktataka wiñachishun», nirkami.

Klever Guamán Pallo, chayamuk wawaka, Mamallakta Tantanakuyta pushakta kayman chayachun kayachishkamanta yupaycharkami, shinallatak karashkakuna hapishkamantapash naparkami. Mamallakta Tantanakuyta pushakka wawakunawan riksinapi purishka kipaka, wawakunawanmi llakta sinchiyaytaka kallarina kanchik, nirkami.

JS

Imbabura llaktamanta “Sumak Yachana Wasipi» yachakkuna, Mamallakta Tantanakuyman shamurka, paykunaka Gabriela Rivadeneira Mamallakta Tantanakuy pushakta Inti Raymi tushuyman kayankapa shamurka, chay wawakuna: takirka, tushurka, arawita rikuchirka. Alexis Túquerez wawami kushi rimaywan, kikin churarinawan yupaycharka.

Takikunawan, tinkawan, arawiwan, tushuywan Mamallakta Tantanakuyta pushakman murukunata chayachirka. Alexis Túquerez: “Inti Raymi tukuyta kayashpa may kushillami kani nirka, Antonio Ante llaktapi, chay 10 – 02 saywashka yachachina wasi runakunapak yachayta kawsachishpa charinata munan, chaytaka allpamamata, awkishpa, yupaychashpami shina rikuchin, paymi ñukanchikta yanapan, rimankuna, tushuykunata, kawsayta charina nunaykunata kushpami mushuk yuyaykunata wallpan”.

Ñukapak nuna, kikin Gabriela Rivadeneira, Ecuador llaktapak Mamallakta Tantanakuyta pushakman shuk riksita chayachinchik, hillay, sinchi, yuyaysapa, karuman rikuk, yachaywan shuktak warmita katichik, llankaypi mana shaykuk warmimi kanki, kikinpak sinchi llankaykuna Mamallaktata yanapan, ñukanchik Imbabura- markapak hatunyarimi kanki, wacharikukpi rikuk llaktamanta kanki, nishpa kaparirka

Tawka kamarinakunami tiyan, kamarita chaychinaka kaypimi kanki, shuk mushukyay ukllayta wallpankapa, paktapakta kawsak runakunata wallpana, mana mitsak, waka kawsayta charik runa ama kachun; kawsaypi arinishkata sinchita llankashpa paktachik warmimi kan, yuyaykunapi nunata sakikmi kan, sisakunapak muyushinami kan. Runakunata yanapashpami llankan, amawtayta, illuta, ñawpayman rinata kun, amsa ukupi llinki(micha) shinami kanki.

Kutintak rikurinatami kawsachishka, kamachiyta katishpa paypak rikuchikunawan yanapashka, yachay llashak kipishina ama kachun, mushukyarichun, shuk hillay kachun yanapan. Ñukanchik kari warmi wawakuna, pakta runakuna mushuk Ecuador llaktaman purichun kushilla kanchik.

Tantarishpa

Mashi Gabriela Rivadeneira Mamallakta Tantanakuyta pushak, kawsaytarpuy paktapakta, kasiklla kachun punchanta shuk kuskata mashkana, anti llaktakunapi aknaykunata pushaymi kan; pakta runakunata, wawakunata, rukukunata, ñukanchikpak kawsayta charinkapami kan, kaykuna mushuk runakunaman kushiyarishpa sakina kachun, chaypak kawsayta ukllanami kanchik.

Kay shina rikuchikunaka hatun ushaywanmi kutintak rurana kan; kunan kaypi kakkunaman, wacharimukkunaman tinkirik yachaymi kan, nirka. 19 puncha, raymi killa, Inti Raymita tushuywan aknaypimi kasha nishpami shina willarka.

MG/pv/jc-kichwa

Gabriela Rivadeneira, presidenta de la Asamblea Nacional del Ecuador

Discurso de bienvenida al Informe a la Nación del Presidente Rafael (más…)

Kay Gabriela Rivadeneira Mamallakta Tantanakuyta pushak, Rosana Alvarado, Marcela Aguiñaga kipapushakkuna kimsantin, Chimborazo markapak, Alausí llaktapi runa llaktakunapak aknaypi karka, chaypimi runallaktakunapak “ushay tawna” unanchata tukuy shunkuwan chaskichirka, kipaka Mamallakta Tantanakuyta allita pushasha nishpa runakunaman willarka.

Chay aknay tantarika Alausí llaktapak Plazoleta “Guayaquil” kuskapimi karka, achka paklla mishukuna, kari warmi runakuna tantarirka, marka kamachikkunapash chaypi karka. 21 kamachiy killkakkunapash kayashka chayarka.

Kay kuskapimi, shuk yachak runa, kay llaktakuna kachaska warmikunapash sisakuna, rurukuna, hampi kiwakuna chawpipi shuk unanchan aknayta rurarkakuna. Mamallakta Tantanakuypak kamachikkunata mishki ashnak yakuta tsiraparka, shinami pachamamapak shutipi shutichirka, shinami anti rukunapak pachamamata rikuyka kan, Mamallakta Tantanakuyman ushayta kurka.

Aknashka kipa, Manuel Vargas, Alausí kitipak pushak, kay uchilla suyupak runakunata pushak, shuk ushay unancha tawta Gabriela Rivadeneira kmachikmanj kurka, Mamallakta Tantanakuypi kimsa warmi pushakushkata rikushpami kurka. Chimborazo marka warmikunapak churarinatami churachirka.

Mamallakta Tantnakuyta pushak runllaktakunata yupaycharka, kikinkunaka wiñaykawsamanta hayñikunata charisha nishpa achka ñakarikunata charishkankichik nirka. Shinami Yaku kamachiyta charinka hatun yuyarikunata charishkanchik nirka, kay Mamallaktata allichinkapa, yaku shukpakllamakipi sakirichun harkan nirka. Manarak Allpa Kamachiyta arinishpa, ama axchka allpakuna shukpaklla makipi XXI watakunapi sakirichun yuyarikunaman chayankapa shuk kayayta rurarka, shina tukuykunaman awki mikuykunata charinkapa nishpa uyachirka.

«¿Imashina antawa ñankuna, chirlli yaku,allikawsay, yachay, kapukyachina llikakuna, Mamallaktapak sapan kuskakunapi tarpuy mushukyay tiyachun runa?», kay llankaykuna paktana hawa tapurka» tantarishpalla llankashpallami paktashun nirka, tukuykuna shuklla Mamallaktamanta kashkata rikuchishpami paktashun nirka».

Mama Rosana Alvarado, Mamallakta Tantakuyta kipapushak, ñawpa Mamallakta Tantanakuy imashina kashkata, Mamallakta mana kunkarinachu nirka, chay watakunapika Mamallakta Tantarika ashalla charikkunapak, ashalla ushak tantarikunamana kamachiykunata arinik karka. “Mana kunkarina wiñaykawsaymanta rikurishkakunami kanchik nirka, wakinkunaka kay mana alli wiñaykawsayta kunkarisha ninkunami, kunanka kishpiyrina wiñaykawsaytami sinchiyachina kanchik”, nishpa rikuchirka.

Paymanta, Mamallakta Tantanalkuyta ishakyniki Pushak, Marcela Aguiñaga, runakunapak munaymi mana pakpakta kawsanata ashayachik kamachiykunata arinichun yanapan. Chay pachallatak, tukuy shunkuwan apuchishkamanta Alausí llaktapi kawsak runakunata yupaycharka, shinami Mamallakta Tantanakuypak kamachikkunata llankachun churan nirka. “Chay ñawpa Mamallaktaman mana tikranaka, kikinkuna yanapakpillami paktashun”, nishpa rimarka.

Tantaripika Rosa Elvira Muñoz kamachiy killkak, Mariano Curicama marka kamak, Hermuy Calle marka Kamachik, Lenin Tito Municipalidades de Chimborazo tantarita Pushak achkata rimarkakuna.

JS/jc-kichwa

Kay Remisión de Intereses, Multas y Recargos Tributarios hatun kamachiyta 324 yupay tantaripi 109 apuchiwan arinirka, kaytaka mañashka kullkipak wawa kullkiwan yanaparichun País tantari rikuchishkami karka, shinallatak churashka kullkiwan, apachishka kullkiwan, yanaparinka, (BNF) kamachiywan wanachishka kullkitapash mana kunka.

Manarak atinakushpa, Gabriela Rivadeneira Mamallakta Tantanakuyta pushak, Rosana Alvarado Mamallakta Tantanakuyta kipapushak, País tantarimanta kamachiy killkakkuna, imashina kay kamachiy killkarikushkata riksichirka.

Shinami Rivadeneira Mamallakta Tantanakuyta pushak riksichirka, (BNF) kullki wasi mañachishkamanta wawa kullkita tikrachina, shinallatak churashka kullkiwan, yapachishka kullkiwan, yanaparinka, (BNF) kamachiywan wanachishka kullkitapash mana kunka.

Paymanta “Achka paklla runakuna, tarpukkuna ishkay waranka kullkita manun. Mamakullkimanta wawakullki kimsakutin mirarishkamanta tikrachinata mana ushashkachu”, shinami willarka.

Paymanta, Fausto Cayambe kamachiy killkak mushuk kamachiyta kaytami rikuchin, shinallatak churashka kullkiwan, apachishka kullkiwan, kullkita mañankapa kamachiywan katishka kullki, chayta tantachikpika (BNF) kullki wssi mañachishkamanta wawa kullkiwan 15 waranka kullkimi kan.

“Kay kamachiywan Ecuador llaktamanta runakunami yanaparinka, 95 patsarikmi 5 waranka mañashka kullkita charin”, shinami willarka.

Cayambe kamachiy killkak, kamachiy arinirishka pachamanta manu kullki allichirinka 180 punchami sirin nirka. “46 hunu kullkimi kan, chaytami imanikmanta hapishka kan. Kay kullki llakikunaka 98% patsakrimi pachamama wakllirishkamanta llaki kan: yaku nuyushka, usyaymanta, kurukuna, chay llakikunamantami uchilla tarpukkuna mañashka kullkita mana tikrachinata ushashka”, shinami rikuchirka.

Manukkuna mañashkatami tikrachinchik nishpa Cayambe kamachiy killkak willarka, 31 puncha, pawkar killa, 2015 watakama shuk samayta rurarka, shinami llakita allichirka. “983 watamanta manukuna tiyan, achka manukunami 2009 watamanta wanachishka”, shinami charirayarka.

Kay chani hawaka, Cayambe kay manu wawa kullkita kishpiychinaka 18 hunu dólar kullkimanmi chayan.

Kay kamachiywan, BNF kullkiwasipi tiksirishpa, Ministerio de Agricultura kamaywasipi tiksirishpa, shinami kullki wayakapi yallishkata kutintak kawsachinata mashkan.

Llankakkunapak Minkashka kayami llankay hawa mañaykunata chaskinka.

Kay Derechos de los Trabajadores y la Seguridad Social minkashka kaya 10:00 sayllamanta tantarinka, chaypika llankay hayñita llakichishka hawa mañaykunata wanaykunata chaskinka.

Kay Derechos de los Trabajadores y la Seguridad Social minkashka kaya 10:00 sayllamanta tantarinka, chaypika llankay hayñita llakichishka hawa mañaykunata wanaykunata chaskinka.

Kayta paktachinkapa Betty Carrillo minkashkata pushak, 96 yupay tantariman kayanka, kaytaka Función Legislativa Hatun kamachiypak, 27 nikipak 1, 2 yupaykunata hapishpa, Reglamento de las Comisiones Especializadas Permanentes y Ocasionales uchilla kamachiypak 8 niki 1, 2 yupayta hapishpa kayarka.

Kay kamachiykuna killkak Troncal llaktamanta llankakkunapak pushakkunata chaskinka, kamachiyta pakishpa paykunapak hayñita mashna watata llankashkamanta mana kullkita kushkatami wanayta churan.

Shinallatak “Decameron Ecuador” tampupi yallik watakunapi llankakkunata chaskinka, paykunami llankayta kukkuna hayñita pakishpa llakichishka hawa riksichinka.

Shukatak nikimanta rikushpa, kamachiy killkakkuna Ángel Rivero kamachiy killkak willashkata riksinkakuna, Autoridad Portuaria de Guayaquil 64 paya llankakkunapak llaki hawa riksichinka; katipika “Proyecto Hidroeléctrico Coca Codo Sinclair” llankak wasiman rishka hawa willanka.

RSA/pv/jc-kichwa

Entrevista Gabriela Rivadeneira Contacto Directo 27/04/2015

Gabriela Rivadeneira

Presidenta
Asamblea Nacional del Ecuador

Gabriela Rivadeneira Mamallakta Tantanakuyta pushak, chay Unión de Naciones Suramericanas (Unasur) pusakwata paktay raymipi karka, kay tantaripak wasipi, Mitad del Mundo llaktapimi pusharirka.

Chay tantariman, Rafael Correa Mamallakta Pushak chayarka, payka Unasur tantari llankaykunawan paktashkatami rikuchirka, shinami Suramericana de Defensa Hatun yachawasi wiñarishka hawa rimarka, Mamallaktamanta runakunata, awkakunata yachachinka, Mamallaktata, suyuta kamanata, Mamallaktakuna tantarina hawapash yachachinka nirka.

Kay Unasur watapaktay tantaripi shuktak yuyarikunaka, akllaykunapak Consejo Electoral Suramericano y el Instituto de Salud Suramericano tantariwan rimarina hawa rimarkakuna, shinallatak suyupi allikawsay llaktayta mashkana hawa rimarka.

Shinallaktak Unasur watapaktay raymipika, kay tantarita pushak Ernesto Samper kaypi karka, istallaktata rikuk hatun kamachik Ricardo Patiñom kaypi karka. Shinallatak Unasur tantariman kimirishka Mamallaktakuna kachashka, ista kamachikkuna, Quito llaktapi kawsak ista kamachikkuna, Mamallaktapak hatun kamachikkunapash shamurkakuna. Llaktapak takik wawakunapash kay tantaripi karka, paykunaka «Todas las Voces» takita uyachirka.

JC-kichwa

Mama Gabriela Rivadeneira Mamallakta Tantanakuyta pushak, paypak llankana ukupi Foro Latinoamericano y Caribeño de Juventudes (FLACJ) tantaripak, pakta runakunata chaskirka, chay tantarika Latin Apya-yalapak llaktakunamanta paktarunaknatami tantachin, paykunaka Mamallaktakunapak mushukyay achka llankaytami yanapasha nirkakuna,

Kay rimankuypi, FLACJ tantarita pushakkuna, Gabriela Rivadeneira allita llankashkata riksirkakuna, chayka Foro “Emancipación e Igualdad”, Argentina llaktapi, kay “Cumbre por la Paz”, Colombia llaktapi karka. Pakta runakunaka Gabriela Rivadeneira llaktamanta llankakushkatami achkata riksirka, Unasur tantariman yaykurishka llaktakunata sinchiyachina nirka, kay (FLACJ) tantaripak, mushuk Comité Honorario tantarita riksirka.

Kay FLACJ tantarika pakta runakunapak rimaytami ista llaktakunapi tantariman pushasha nikunkuna, Según explicó Nauel Gielo, tantarita pushak rimarka, kay tantarika kunan mushuk paktarunakunata kay Apya-yala llaktakunapi tantachina yuyayta charin nirka, Mamallaktakunapi mushuk runakunata tantachishpa pushakushka llankayta yanapashpa rimarka.

Paymanta, Gabriela Rivadeneira chay FLACJ tantariman kimirishka pakta runakunata yupaycharka, kay Apya-yala llaktapi alli yuyaywan llankak pakta runakuna mirarichun, shina runakunata yanapachun nirka.

Mamallakta Tantanakuyta pushak, istaMamallaktakunata kimirichishpa llankakkunata hawaman chanishpa maymutsurik kakta riksin, Unasur tantarita, CELAC tantarita. “Mana waytashina shitarishka kanachu kanchik”, nirka. “ Kay Unasur tantari tukuy Apya-yala llaktakunapi sinchi llankayta charishkatami rikuchin, kay llankaykunaka mana Mamallaktapak Pushakkunapilla sakirinata charinchu”, nishpa yapa rimarka.

JS/CV/jc-kichwa

Agenda en Bolivia de Gabriela Rivadeneira, Presidenta de la Asamblea Nacional del Ecuador.
02 de Abril 2015

RENDICIÓN DE CUENTAS 2014 de la Asamblea Nacional del Ecuador
Gabriela Rivadeneira
Presidenta
Asamblea Nacional del Ecuador