Resumen de la agenda en Argentina marzo 2015. Foro ‪#‎EmancipacionEIgualdad‬

Gabriela Rivadeneira Agenda Manabí 6 y 7 de marzo

Mamallakta Tantanakuy, kunan puncha Mamashimikunapak Ista punchata yuyarina kashkamanta, kaya puncha, wacha puncha, inti punchapash Llikapankapi kichwa shimipi killkashpa willayta chayachinka.

Watan watanmi 21 puncha panchi killami Mamashimikunapak Ista punchata yuyarin, kayshina yuyarinapakka Conferencia General de la Organización de Naciones Unidas para la Educación, la Ciencia y la Cultura, Unesco tantanakuymi, sasi killa 1999 watapi, shutichirka, kayshinami tawka shimikuna tiyashkata, tawka pura ayllukuna kawsashkata sinchiyachinapak llankakun.

Ecuador llaktapi castellano shimitami riman; castellano, kichwa, shuar shimikunaka ayllupura kawsanapak rimaykunami kan; kayshun runa shimikunaka ayllu llaktakunapi kamaypi rikuchishka rimaykunami kan; Llaktaka rimayta, charinatami sumaychanka, kashnami mamakamachiy rikuchin.

Kayshina mamakamachiy rikuchishkawan, Mamallakta Tantanakuypi willaykuna, kamachiykunapash kichwapi killkashka kan, kashnami kamachiy pakta pakta yanapashkata riksichin.

Chaymantami, Mamallakta Tantanakuyka, mamashimipak ista puncha kashkamanta, kay hunkay puchukay punchakuna llikapankapi willaykunaka kichwa shimipi rikurikunka, kayshina llankaywan runa shimikunata riksichikunchik.

2006 watapimi Unesco tantanakuyka shikunata rikunapak, tawkapura shimi tiyashkata riksinapak shuk minkarishkata wiñachirka, shinallatak 2008 watamantami, ista llaktakunapak kamachiykunapi rikuchishkata sumaychanapak llankakun.

PV

Imagen del home

Imagen de Noticias

Imagen del home

Imagen de home

Mamallakta Tantanakuy, 95 apuchiwan, 27 manashikawan, Personal de las Fuerzas Armadas kamachiypak, 5 nikita allichirka, ashtawankarin chay 5 niki edecanes kamachikta Mamallakta Pushak tiyachina hawa, mashna watata llankanatami ashtawan rimarka.

Chaymantami, kari warmi Mamallakta Pushak, payta yanapak edecanes awka kamachikta llankaypi tiyachinka, imashina llankanatapash payllatakmi rikuchinka, chaymanta pay llankanata, mashna pachata chaypi kanata rikunka, chayka mana ishkay watata yallinkachu.

Mamallakta Wasipak waminka shukkutinllami kay llankayta charinka, shinapash Mamallakta Pushakmi rikunata charin.

Edecanes awka kamachikta, Mamallakta Wasipak waminkata shutichinkapa, Awkakamaywasita pushakmi kimsa shutikunata Mamallakta Pushakman rikuchinka, kay kimsa shutimantami awka kamachik tukuchun akllanka.

Kay Ministro de Defensa Nacional kamaywasita yanapak, Comando Conjunto de las Fuerzas Armadas pushakta, Comandantes de Fuerza kamachikkunaka mana ishkay wata yallita, tukuy awka kallpay llankaypi shukkutinlla charinka.

Kay Comisión de Soberanía, Integración y Relaciones Internacionales pushak, Fernando Bustamante, kallari mushuk kamachiypi Mamallakta Pushakmi chay mitachita charinka nirka, ima llankayta charinata, mashma watata llankanata rikunka, shinaka saywashkami kanka.

Mamallakta Pushak, rantinchishka katinka, kay kamachikta charina, mana charina, ima llankaykunata kuna, edecanes kamachik mashna pachata llankana, 2 wataman paktashkata llankana nirka, awka kamachikkuna paypak awka mitachipi ama yanka llakita charichunmi shina yuyaykunata churarka.

Kay rantichikuna, kamachiyta mushukyachinata mana pantachinchu, imata ruranata mana pantachinchu, killkashka hawalla ashtawan allichirin, Mamallakta Pushak munashkaman kimirin.

RSA/pv/jc-kichwa

El Reencuentro con nuestros hermanos migrantes reaviva el espíritu de lucha para mantenernos de pie con la revolución.

Gabriela Rivadeneira
Presidenta
Asamblea Nacional (más…)

Gabriela Rivadeneira, Mamallakta Tantanakuyta Pushak, chay Foro de Jóvenes de Naciones Unidas tantaripi yachachirka, Ecuador llakta, 2008 watamanta mushukyashkata willarka, mana paktapakta kawsayta allichinkapa, kullkiman yaykurichun, tantarinkapa, allpapachapi kawsaytarpuy hawa pakta runakuna pushana mutsurin nishpa yachachirka.

Chay ONU tantaripak wasipi, Nueva York llaktapi, Gabriela Rivadeira 2008 watapi arinishka Mamakamachiwan, 8 watalla llankaywan, Ecuador llakta mushukyayman yallishkata, kay Desarrollo del Milenio wiñariy paktana yuyaywan, 80% patsakriwan yallishkata willarka. Kaykunaka, 2000 watapi Mamallaktakuna kawsaykunata allichina yuyarishkami karka, 2015 watakamami paktana nirka.

Kaykumanta shukta rikuchinkapa, Mamallakta Tantanakuypak shuk llankayka yachaymi kan; kunanka Ecuador llaktapika 95% patsakrimi, kari warmi runakuna yachayman rikun, chawpi yachaypi, sumakyachaypi 100% patsakri pakta runakunami yachayman yaykurishka nirka.

Kay watakunapi Ecuador Mamallakta 10 waranka yachakukkunaman, hatun yachayta yachachun kullkita kararka, kaymanka achka yanakuna, runallaktakuna, wakcha runakuna kari warmi yachakukkuna yaykurishka.

“Kay Ecuador llaktapika ñawpa mana allli kawsaykunamanta mushukyachishpa kawsakunchik, ruku kakpi, runa kakpi, kariwarmi kakpi shitashka kawsaktami asha asha allichikunchik, kay llakika paya llapik yuyaykunamanta shamushka”, kay llakikunatami Ecuador llaktapak mushuk malta runakuna llankashpa paktakun.

Paktaykuna tiyakpipash, kay 2015 watapak Agendas de Desarrollo llankaypika kullkita uraman churashpa, runata hawaman churashpa llankana kan, América Latina, Caribe suyupillami 68 hunu wakcha runakuna kawsan, shinami Gabriela Rivadeneira willarka.

“Kay wakchayay tiyakpi kasikayta rimashpa katinaka, shimi rimayllamim kanka. Malta runakuna kishpiyrinata, paktakayta mashkak llaktakunawan tantarishpa mana ñakarikpi, illu kasikayka mana chayankachu. Ashtwanakarin runata wañuchik, waktak, llakichik, millak llakikunami kawaypi huntanka, mana chaskipak kanka”, nishpa rimarka.

Gabriela Rivadeneira malta runakunaman rimashpa, tukuysami takayta pichana pachami kan, kullkimanta, kawsaytarpuymanta llakichikta anchuchina nirka, allpapachapi mayhanpash shuktak runata mana waktachun, Mamallaktapura, shuklla runakunapash ama shina llakichichun nirka.

“Illu kasikay makanakuy illay, shuk ayñikunawan llakichi illay mana kanchu, mana pakta pakta kayta, kullki yanapaymanta, tantarimanta anchuchi, kawsayta llakichimi kan, kaymantami shuktak takaykuna rikurimun”, mirachishpa rimarka.

Mamallakta Tantanakuyta Pushak kay Declaración Rio+20 yuyarikunami tiyan, malta runakunatami pachamamata ukllachun riman: kunan, shamuk runakuna alli, kushilla wiñariyta charinkapa mutsuykunata paktachichun. Chincha llaktakunawan, kulla llaktakunawan sumakruray illayta anchuchina nirka. Kayman “Malta runakunaka sumakrurayman, amawtayman, yachayta wallpayman yaykurina kanchik”.

Paypak rimayta tukuchinkapa, Gabriela Rivadeneira, EEUU llaktawan, Cuba llaktawan rimanakuyta naparka, shinallatak Colombia llaktapi kasikay tiyachun mashkayta, Argentina llaktapi awkikay ukllayta naparka, kullasuyu llaktakunapi llakta ushay sinchiyakta naparka.

“Malta runakunaka runapak hayñi paktachun wipalatami aysana kanchik, Mamallaktakunapak awkikayta sumaychana kanchik, América Latina llaktakuna achikta hawayachikukta yanapashpa ninata hawaman churanami kanchik, ista llapikta tukuchinkapa ñanta mashkashpa llipyachikunchik” nirka.

Kay Foro de Jóvenes de Naciones Unidas rimanakuyka, 15, 124 watayuk malta runakunaman mushuk yuyaykunata surkuymi karka, kay maltarunakunaka ONU tantari willashka, allpapachapi 18% patsakri malta runakunami kan. Kay ista llaktakuna tantaripika, allpapachamanta malta runakunapak 1.800 tantarikunami chayarka.

Kay tantari kallaripika, Ecuador llaktapak, Mamallakta Tantanakuyta pushak, hatun patakupi Naciones Unidas tantaripak, Ban Ki-moon hatun kamachikwan tiyarirka.

JS/jc-kichwa

Participación de Gabriela Rivadeneira Presidenta de la Asamblea Nacional del Ecuador durante el 23º Foro parlamentario Asia Pacífico.

Gabriela Rivadeneira Burbano, Mamallakta Tantanakuyta pushak, kay Orgánica de la Función Legislativa kamachiyta katishpa, Mamallakta Tantakuypak 311 yupay tantariwan katinkapa, kamachiy killkakkuna atinakunakuchun kayarka, kaya 9H30 sayllamanta kallarinka, kaypimi Tierras Rurales y Territorios Ancestrales kamachiyta atinakunka.

Kay mushuk kamachiyka, Comisión de Soberanía Alimentaria minkashkapi 50 tantari shuk watata llaktakunapi atinakushkami kan, shinallatak FENOCIN tantarimanta, Coordinadora Nacional Campesina Eloy Alfaro tantarimanta, Consejo de Pueblos y Organizaciones Indígenas Evangélicos tantarimanta, Corporación de Montubios del Ecuador tantarimanta, Red Agraria y la Conferencia Plurinacional por la Soberanía Alimentaria tantarantán yuyaykunata hapishkami kan.

Kay llankayta minkashka kallari atinkauyta charinkapa pichka rimankuyta llaktakunapi charirka, chusku hatun tantarikunata tantarikunawan charirka, chaypimi tantarikunapak, kamaywasikunapak,

Kay mushuk kamachiyka awkikay mikunata kamankapa, Ecuador llaktapi kawsak runakuna charichun karpushka kapukkunata mirachinkapa hillaykunata, ñankunata wiñachin.

Kay mushuk kamachiywan allpata mawkayachinkapa, yaykurinkapa ñankunata mashkan, chay allpakunaka runakunata yanapanka, pachamaman kawsayta kunka; shinallatak tarpukushka allpata, charishka allpata allichinka, allpata paktapakta rakinata yanapanka, kapukkunata unipak charina, allpata kamachiywan shutichina.

Tantarishpa llankachun yuyachina, pakllatapi kawsak ayllukunapak pukuchita sinchiyachinkapa tukuylla llaktayta wallpana. Shinallatak pukuchishpa katikuyta, mintalayta, murukunata shuktakyachita kamachiyka yanapanka; shukpaklla makipi allpa mana kachun, paklla allpakunata ama uchillapi, pitinata harkana.

Kay Soberanía Alimentaria minkashka, Mamallakta Tantanakuy tantakuyta, llaktata, ayllullaktata, runallaktata, yana runakunata, yunka runakunata, sapsi hayñita charik runakunata tapuchun minkarka. Kay kamachiy paykunata llakichinata rikushpami katuna kan.

PV/jc-kichwa